Янгиликлар

Ийд Қурбон ҳайити муборак бўлсин

Тумандаги ҳайит намози ўқиладиган 18 та жоме масжидларда ҳам Ийд Қурбон ҳайити намози ўзгача файз билан адо этилди. Туман ҳокими Жабборов Ботир Шукурович марказий масжид Нақшбандий жоме масжидида туман аҳлини Муборак Қурбон ҳайити билан муборакбод этди. Намозхонлар масжидларда яратиб берилган шароитлардан мамнун бўлишди. Намоздан сўнг жаннатмакон юртимизга тинчлик-омонлик сўраб, халқимиз фаровонлиги, ёшларимиз бахту иқболини тилаб дуолар қилинди. 

Муҳим 5 ташаббус доирасида ўтказилаётган кўрик-танловлар

Муҳтарам юртбошимиз томонидан илгари сурилган муҳим 5 ташаббус доирасида бир қанча кўрик танловлар ташкил этилган. Шулардан бири халқ театр группаларидир. Нарпай туман Маданият бўлими ҳамда 13-сон Болалар мусиқа ва санъат мактаби жамолари ҳам ушбу танловда "Шум бола" асаридан парча билан фаол қатнашди.
 

Футбол бўйича хотира турнири ўтказилди

Нарпай туманидаги "Тортувли" маҳалласида барча туман ташкилотлари ҳамкорлигида собиқ "Пахтакор 79" жамоаси аъзоси Сирожиддин Бозоров хотира турнири бўлиб ўтди. Навоий вилояти ва Самарқанд вилояти жамоаларидан иборат 8 та жамоа иштирок этди. Тадбир якунида ғолиблар тақдирланиб Сирожиддин Бозоров хотирасига дуо ўқилди.

Оқтош Истирохат боғида "Жонажон Ўзбекистоним мангу бўл омон!" шиори остида тадбир ўтказилди

Жорий йилнинг 7 август куни туман марказидаги Оқтош Истирохат боғида "Жонажон Ўзбекистоним мангу бўл омон!" шиори остида тадбир ўтказилди. Концерт дастурида туман маданият бўлими ходимлари мустақилликни куйловчи куй ва қўшиқлари билан истироҳат боғида йиғилганларга хушкайфият улашдилар.

"Жонажон Ўзбекистоним мангу бўл омон!" шиори остида тадбирлар давом этмоқда

Жорий йилнинг 6 август куни Нарпай тумани Ёқилғи техник воситаларини сақлаш марказий базасида Ўбекистон Республикаси давлат мустақиллигининг 28 йиллиги муносабати билан "Жонажон Ўзбекистоним мангу бўл омон!" шиори остида тадбир бўлиб ўтди.

2015-2019 © Нарпай туман ҳокимлиги. Сайт яратувчиси: SAKTRM