Янгиликлар

“ҲАР БИР ЁШГА БИР ГЕКТАР”

Нарпай туманида “Ҳар бир ёшга бир гектар” лойиҳаси асосида чора-тадбирлар амалга оширилмоқда. Биринчи босқичда ғалладан бўшаган ер майдонлари 97 нафар ёшларга ажратиш режалаштирилган. Айни пайтда ер майдонларига дуккакли, сабзавот ва полиз экинлари экишмоқда. Жумладан “Умид” маҳалласидан 12 нафар ёшларга “Сабрина-Сарварбек” фермер хўжалигидан ер майдони ажратилди. Туман ҳокими ўринбосари Асқар Рустамов маҳалла ёшларига ўз тавсияларини берди

ШАРТНОМАЛАР ИМЗОЛАНИШИ МУМКИН

Нарпай туман ҳокимлигида Эрон давлатининг “Седрус агро кластер” корхонаси вакиллари билан учрашув бўлиб ўтди.   Туман  ҳокими Ботир Жабборов, ҳоким ўринбосарлари ва инвесторлар ўртасида бўлиб ўтган музокаралар мавзуси Нарпайда сабзавотчилик кластери ташкил этиш ҳамда кичик саноат зонасидан экспортбоп пластик қувурлар ишлаб чиқариш заводи барпо этишга қаратилди.

ИЧИМЛИК СУВИ ТОРТИЛДИ

Нарпай тумани ҳокимининг 2020 йил 3 июлдаги 62-Ф-сонли Фармойишига асосан Оқтош шаҳар Алишер Навоий маҳалласида  Э.Равшанов кўчасидаги кўп қаватли уй-жойга ичимлик сув тармоғи тортилди. Худди шунингдек, маҳалладаги  якка тартибдаги уй-жойлар ва ижтимоий соҳа объектларига оқова сув тармоғи учун янгидан ариқ қазилди.

ЁШ ИЖРОЧИЛАР ЮТУҒИ

Нарпай туман 13-сон болалар мусиқа ва санъат мактаби ўқувчилари онлайн тарзда ўтказилган "Камалак юлдузлари" болалар ижодиёти фестивалининг Республика босқичида фаол иштирок этдилар. Танловда доирачилар, тасвирий санъат, анъанавий хонандалик бўйича иштирокчиларимиз биринчи ўринни эгаллаб, ғолиблик дипломини қўлга киритдилар.

 

ИМКОНИЯТДАН УНУМЛИ  ФОЙДАЛАНИШ ЛОЗИМ

“Мустақиллик” маҳалла фуқаролар йиғини ҳудудида жойлашган Ваҳоб Равшанов номли  фермер хўжалик даласида кам таъминланган оилаларни камбағалликдан чиқариш мақсадида 20 сотихдан ер ажратилган.