"Besh tashabbus olimpiadasi" doirasida “Zakovat” intellektual o‘yinining tuman bosqichi o‘tkazildi. 

“Bilimdonlar bahsi”da har bir sektorning g‘olib  jamoasi ishtirok etdi. Natijalarga ko‘ra,  Do‘stlik va Chorbog‘ mahallalari jamoalari ikkinchi hamda uchinchi o‘rinni egalladilar.

Tuman hokimi birinchi sektor aʼzolari ishtirokida yig‘ilish o‘tkazdi. Yig‘ilishda sektor aʼzolari tomonidan amalga oshirilgan ishlar, topshiriqlar ijrosi tahlil etildi.

“YASHIL MAKON” UMUMMILLIY HARAKATI DOIRASIDA

Yoshlar ishlari agentligining tuman bo‘limi xodimlari  Muqimiy mahallasi hududida  turli manzarali daraxt ko‘chatlari ekib, “Yoshlar bog‘i”  tashkil etdilar. 

Aholini toza ichimlik suvi bilan taʼminlash borasida “Samarqand suv taʼminot”  masʼuliyati cheklangan jamiyati Narpay tuman filiali tomonidan bir qator ishlar amalga oshirilmoqda.

Shu kunlarda Mustaqillik mahallasining  Oytamg‘ali qishlog‘ida hashar yo‘li bilan 3,2 kilometrlik masofaga suv tarmog‘i tortish ishlari boshlab yuborildi.

Bundan bir yarim oy avval, masʼullar joylarga chiqib, aholini kayfiyatini ko‘tarish bilan bog‘liq infratuzilmadagi  muammolar ro‘yxatini shakllantirgan edi. Shunga asosan tumanda 29 ta eng muhim loyihalar amalga oshirilishi ko‘zda tutilgan. Bu loyihalar uchun qariyib 23 milliard so‘m mablag‘ ajratilmoqda.