Joylarda “Jaholatga qarshi maʼrifat” shiori ostida tadbirlar uyushtirilib, yoshlarni diniy aqidaparastlar taʼsiridan saqlash borasida suhbatlar tashkillashtirilmoqda.

Barcha hududlarda “Yashil makon” umummilliy harakati doirasida ko‘chat ekish ishlari davom etmoqda. Ayni paytda tuman davlat soliq inspeksiyasi jamoasi M-37 yo‘li atrofiga 500 tup manzarali daraxt ko‘chatlarini o‘tqazishmoqda.

Soliqchilar tuman bo‘ylab 1500 tup pavlovniya ko‘chatlari ekishni rejalashtirishgan.
_______

Hali sizu biz shirin uyqudan ko‘z ochishga ulgurmay ular ko‘chaga otlanishadi. Quyoshdan oldin turib, hamma yerni tozalab qo‘yishgani uchun ham barchamiz ozoda yo‘laklarda qadam bosib ishga jo‘naymiz.

Ha, tumanimiz hududi tozaligini taʼminlash yo‘lida mehnat qilayotgan fidoiy insonlar bor. Ular kamtarin, hokisor kishilar.

“Samarqand suv taʼminot” masʼuliyati cheklangan jamiyati Narpay tuman filiali tomonidan aholini toza ichimlik suvi bilan taʼminlash maqsadida bir qator ishlar amalga oshirilmoqda.

Ayni paytda Chaykal mahallasining Qarchig‘ay qishlog‘iga 250 metrlik masofaga suv tarmog‘i tortilmoqda.
_______

“YASHIL MAKON” UMUMMILLIY HARAKATI DOIRASIDA

Tuman mudofaa ishlari bo‘limi shaxsiy tarkibi tomonidan Muqimiy mahallasi hududidagi fermer xo‘jaliklarga tegishli ekin maydonlari atrofiga 3000 ming dona terak qalamchalari hamda 147  tup mevali daraxt ko‘chatlari ekildi.