Jizzax viloyatining Forish tumanida Davlat boshqaruvi organi rahbarlari uchun maxsus yig‘in bo‘lib o‘tmoqda. Unda Samarqand viloyati hamda shahar va tumanlar hokimlari, ularning o‘rinbosarlari tarkibida tumanimiz hokimi Sherzod Rahmonov hamda Mudofaa ishlari bo‘limi boshlig‘i podpolkovnik Ilhom Qodirov ham ishtirok etyapti.

Ijtimoiy soha obyektlari, aholi xonadonlarini kuz-qish mavsumiga tayyorlashga jiddiy yondashish lozim. Kichikkina eʼtiborsizlik ham katta ko‘ngilsizliklarga sabab bo‘lishi mumkinligini doimo yodda tutishimiz kerak.

Avval xabar berganimizdek, tuman hokimi tegishli masʼullar hamrohligida Amir Temur va Islomobod mahallalaridagi ko‘p qavatli uylarda kuz-qish mavsumiga ko‘rilgan hozirlik, shu kabi xonadon egalarining muammolarini o‘rgangan edi.

Muqimiy mahallasi orqali o‘tgan Oqtosh shahrini tabiiy gaz bilan taʼminlovchi yer osti yuqori bosimli 325 mm diametrli gaz quvurini yer ustiga chiqarish ishlari deyarli yakunlandi.

Tuman hokimi tegishli masʼullar hamrohligida Islomobod hamda Tinchlik mahallalari hududlaridagi ko‘p qavatli uylarning kuz-qish mavsumiga tayyorgarlik holatini ko‘zdan kechirdi. Shu kabi yakka-yolg‘izlar, keksalar holidan xabar oldi va xonadon egalarining muammolarini o‘rgandi.