Shu kunlarda tumanimizda “Daraxtlarni sug‘orish haftaligi” aksiyasi o‘tkazilmoqda.

Aksiya doirasida “Yo‘l ko‘kalam” UK xodimlari yordamida M-37 avtomagistral yo‘li bo‘ylarida ekilgan daraxtlar sug‘orilyapti. Kun davomida 2000 tupdan ortiq daraxtlar tagiga suv quyildi.
_____

Qozikentlik Abror Sayfullayev Pokiston davlatidan "Kamori" zotli uzunquloq echkilarni olib kelib, ko‘paytirmoqda.

Bunday naslli echkilar Pokiston, Hindiston va arab davlatlarida keng tarqalgan. Bir kunda 5-8 litrgacha sut beradi. Go‘shtlik uchun boqilganda 60 kilogrammdan 140 kilogrammgacha yetishi mumkin.

O‘zaro nizosi bo‘lgan yigitlar “Mirbozor bozori” MCHJ bozoriga kirish darvozasi yonida mushtlashdilar. Natijada ulardan biri tan jarohati oldi.

Payshanba – profilaktika kuni munosabati bilan Salovat mahallasi fuqarolari va janjalkash yigitlarning yaqinlari o‘rtasida o‘tkazilgan profilaktik suhbat davomida ushbu jinoyat ishi muhokama etildi.

97 yoshli Yusuf bobo Ro‘ziyev tumanimizdagi yagona ikkinchi jahon urushi qatnashchisidir.

9 may – Xotira va Qadrlash kuni oldidan Markaziy harbiy okrugi harbiy xizmatchilari va tuman hokimligi vakillari sobiq jangchining holidan xabar oldilar.

Tumanning chekka hududi hisoblangan Guliston mahallasiga 42 kilometrlik toza ichimlik suvi tarmog‘i tortilmoqda.