1-dekabr – Xalqaro   OITSga qarshi kurashish kuni munosabati bilan tuman tibbiyot birlashmasida tibbiyot xodimlari o‘rtasida "Biz OITSga qarshimiz" shiori ostida sport musobaqalari tashkil etildi.

Shifokorlar sportning shaxmat-shashka, stol tennisi turlari bo‘yicha o‘zaro bellashdilar. 

Tuman hokimining o‘rinbosari Turg‘un Ashurov Turon mahallasining Morkent qishlog‘ida amalga oshirilayotgan ishlarni ko‘zdan kechirdi. Ayni paytda bu yerda navbati bilan ichki yo‘llarga tosh to‘kilib tekislanmoqda.

Hali xabar qilganimizdek, tuman hokimi yarashtirish komissiyasi aʼzolarining yangi tarkibi oldiga bir qator vazifalar qo‘ydi. Topshiriqlar ijrosi yuzasidan 13-son bolalar musiqa va sanʼat maktabida imom-xatiblar, otinoyilar, mahallalardagi xotin-qizlar bilan ishlash bo‘yicha mutaxassislar hamda masʼul tashkilotlar vakillari ishtirokida yig‘ilish bo‘lib o‘tdi.

Tuman prokurori – ikkinchi  sektor rahbari Jahongir Bozorov Ravot olchin mahallasi  fuqarolari uchun sayyor qabul o‘tkazdi.

Masʼul rahbarlar ishtirokida  o‘tkazilgan qabulda fuqarolar tomonidan kadastr, ichimlik suvi, bandlik, suyultirilgan gaz ballonlarni vaqtida yetkazish masalalarida murojaatlar tushdi.

Tuman hokimi yarashtirish komissiyasi aʼzolarining yangi tarkibi o‘rtasida oilaviy ajrimlarning oldini olish yuzasidan muhokama o‘tkazdi.

Muhokamada oilaviy nizolarga vaqtida barham berish, erta turmushga yo‘l qo‘ymaslik, shuningdek, komissiyaning shu kunga qadar olib borgan faoliyati hamda kelgusi rejalar haqida so‘z yuritildi.