Tuman yo‘llardan foydalanish unitar korxonasi xodimlari kun sayin shijoat bilan ish yuritishmoqda.

Bu gal ular Oq oltin hamda Totkent mahallalari ichki yo‘llarini taʼmirlashmoqda. Ko‘chalarga asfalt yotqizilib, transport va piyoda yo‘lovchilar uchun qulaylik yaratishayotir.
_____

32-umumtaʼlim maktabida “Zakovat” intellektual o‘yini tashkil etildi. Bunda o‘qituvchi va o‘quvchilar jamoalari o‘zaro bellashdilar.

Taʼkidlash lozimki, bilim borasida o‘quvchilar jamoasi o‘qituvchilardan qolishmadi, hisob. Bellashuv so‘ngigacha izlanishda davom etgan yoshlar oxirgi pallada ustozlariga imkoniyatni boy berib qo‘ydilar.

Yangi yil bayrami munosabati bilan tuman markazidan olis bo‘lgan qishloqlar aholisi uchun qulaylik yaratish maqsadida joylarda arzonlashtirilgan savdo yarmarkalari tashkil etiladi.

Tuman hokimining moliya-iqtisod va kambag‘allikni qisqartirish masalalari bo‘yicha birinchi o‘rinbosari Shodiyev Jasurbek Mamarayimovich O‘zbekiston Savdo-sanoat palatasi Samarqand viloyat hududiy boshqarmasi boshlig‘i vazifasiga tayinlandi.

Ijtimoiy himoyaga muhtoj oilalarning turmush darajasini oshirishga qaratilgan chora-tadbirlarni davom ettirish, ushbu toifa vakillarining Yangi yil bayramini ko‘tarinki ruhda va munosib nishonlashini taʼminlash maqsadida Prezidentimizning 2021 yil 21 dekabrdagi “Aholining kam taʼminlangan qatlamlarini qo‘llab-quvvatlash va ijtimoiy himoyasini yana-da kuchaytirishning qo‘shimcha chora-tadbirlari to‘g‘risida” gi qarori qabul qilindi.