Tumanimizning “Narpay” massivi hududida 4 ta 1 podyezdli, 5 qavatli har biri 20 xonadondan iborat bo‘lgan uy-joylar qurib bitkazildi.

Ushbu 80 xonadondan iborat uy-joylar qurilishi “Zarafshon” KTICHK, “Tolib Karmana” MCHJ, “Narpay samstroy” X/K hamda “Amirbek montaj qurilish” MCHJ tomonidan amalga oshirildi.

Tortuvli mahallasi hududidagi aholini ichimlik suvi bilan taʼminlash inshooti  2005 yildan buyon ishga yaroqsiz holda edi.

Ushbu inshoot  “Shebin pesok stroy” MCHJ tomonidan qayta taʼmirlandi. Suv nasos qurilmasi “Tortuvli”ning 3180 nafar, Qoziyoqli mahallasining 2830 nafar aholisini toza ichimlik suvi bilan taʼminlaydi.

“Obod qishloq” tantanalaridan so‘ng tuman hokimi sektor rahbarlari va nuroniylar hamrohligida yangidan barpo etilgan 62-maktabgacha taʼlim tashkilotiga yetib keldilar.

“Amirbek montaj qurilish” MCHJ tomonidan 3254,0 million so‘m mablag‘ hisobiga qurilgan ushbu muassasaning ochilish marosimi tantanali tarzda o‘tkazildi.
____

Poyoniga yetib borayotgan yilda Qoziyoqli mahallasi “Obod qishloq” dasturi doirasida obodonlashtirildi. Yo‘llar taʼmirlanib, ijtimoiy soha obyektlari qad rostladi. Qishloqlarga toza ichimlik suvi tarmog‘i tortildi. Shu bilan birga mahalla binosi yangidan barpo etildi.

Oltio‘g‘il mahallasi ahli juda mamnun. Chunki ular birlashib hashar yo‘li bilan mahallaning binosini bunyod etdilar. “Birlashgan o‘zar...”, deb shunga aytsalar kerak. 

Bugun ushbu bino ishga tushirildi.  Xalqning birdamligini munosib baholagan holda tuman hokimi mahallaga yangi kompyuter jamlamasi sovg‘a qildi.
___