Mahalla – tinchlik va osoyishtalik poydevori, ahillik va hamjihatlik, maʼrifat va tarbiya qo‘rg‘onidir.
Tuman hokimi Salovat mahallasining nuroniylari, faollari va ko‘cha boshlari bilan uchrashdi. Ucharshuv davomida ko‘chalarni yana-da obodonlashtirish, ko‘kalamzorlashtirish va tomorqadan unumli foydalanish haqida so‘z bordi.
Mahalla ahli tashabbusi bilan “Bir mahalla – bir mahsulot” tamoyili asosida har bir xonadonda ismaloq ekib, yetishtirishga kelishildi.
Tuman hokimi tegishli masʼullar hamrohligida aholi xonadonlarida, tadbirkorlik subyektlarida amalga oshirilayotgan ishlarni ko‘zdan kechirib, o‘z tavsiyalarini berdi.
Jumladan, ota-bobolarining ishini davom ettirib kelayotgan Zokir hunarmandning tandir ishlab chiqarish loyihasi ham ko‘zdan kechirildi.
Ayni paytda mahallada obodlik yo‘lida qilinayotgan ishlar qizg‘in.