61-umumtaʼlim maktabida 662 nafar o‘quvchiga 56 nafar o‘qituvchi taʼlim-tarbiya berib kelmoqda. Maktab binosi 2019 yilda Obod qishloq dasturi asosida 2 milliard 800 million so‘m mablag‘ evaziga mukammal taʼmirlangan.
Gap shundaki, 2021-2022 o‘quv yilidan boshlab bu ilm dargohi informatika va axborot texnologiya fanlariga ixtisoslashtirilgan davlat umumtaʼlim maktabiga aylantirildi.
Ilm maskani 43 to‘plam zamonaviy kompyuter, 2 dona interaktiv doska, 3D printer va robototexnika uchun zarur vositalar bilan taʼminlandi.
Maktabning tantanali ochilish marosimida viloyat xalq taʼlimi boshqarmasi boshlig‘i Z. Shodiyeva, tumandagi sektorlar rahbarlari va masʼullar ishtirok etdilar.