TUMAN KENGASHINING SESSIYASI

TUMAN KENGASHINING SESSIYASI

Tuman hokimligi majlislar zalida xalq deputatlari Narpay tumani Kengashining o‘ttiz uchinchi sessiyasi bo‘lib o‘tdi.

Sessiya ishini tuman hokimi Sherzod Rahmonov olib bordi.

Dastlab kun tartibidagi birinchi masala – O‘zbekiston Respublikasi Prezidenti Sh.M.Mirziyoyev rahbarligida 2021 yil 24 mart kuni o‘tkazilgan videoselektor majlisining 16-sonli bayonnomasi 7 bandi ijrosini taʼminlash yuzasidan tuman hokimi,1-sektor rahbarining hisoboti tinglandi.

Shundan so‘ng bu borada bajarilgan ishlar to‘g‘risida tuman prokurori, 2-sektor rahbari Kamoliddin Javdanov hisobot berdi.

Shu kabi sessiyada tumanning ijtimoiy-iqtisodiy rivojlantirish ko‘rsatkichlarini o‘tgan yilning mos davriga nisbatan 30 foizga oshirib bajarilishi yuzasidan may-iyun oylarida olib borilgan ishlar yuzasidan tuman hokimining birinchi o‘rinbosari Jasurbek Shodiyev, 2021 yil 1-yarim yilligida amalga oshirilgan ishlar yuzasidan tuman yo‘llardan foydalanish unitar korxonasi boshlig‘i Komil Bozorovlarning hisobotlari eshitildi.

Bundan tashqari, xalq deputatlari tuman Kengashi kotibiyati mudiri Bekzod Orziqulov tomonidan Kengash faoliyatiga oid hisobot berildi.

Shuningdek, xalq deputatlari tuman Kengashining Reglament va deputatlik odobi komissiyasi tomonidan hisobot berilganini ham taʼkidlash lozim.

Sessiyada ko‘rilgan masalalar yuzasidan tegishli qarorlar qabul qilindi.

___________

ТУМАН КЕНГАШИНИНГ СЕССИЯСИ

Туман ҳокимлиги мажлислар залида халқ депутатлари Нарпай тумани Кенгашининг ўттиз учинчи сессияси бўлиб ўтди.

Сессия ишини туман ҳокими Шерзод Раҳмонов олиб борди.

Дастлаб кун тартибидаги биринчи масала – Ўзбекистон Республикаси Президенти Ш.М.Мирзиёев раҳбарлигида 2021 йил 24 март куни ўтказилган видеоселектор мажлисининг 16-сонли баённомаси 7 банди ижросини таъминлаш юзасидан туман ҳокими,1-сектор раҳбарининг ҳисоботи тингланди.

Шундан сўнг бу борада бажарилган ишлар тўғрисида туман прокурори, 2-сектор раҳбари Камолиддин Жавданов ҳисобот берди.

Шу каби сессияда туманнинг ижтимоий-иқтисодий ривожлантириш кўрсаткичларини ўтган йилнинг мос даврига нисбатан 30 фоизга ошириб бажарилиши юзасидан май-июнь ойларида олиб борилган ишлар юзасидан туман ҳокимининг биринчи ўринбосари Жасурбек Шодиев, 2021 йил 1-ярим йиллигида амалга оширилган ишлар юзасидан туман йўллардан фойдаланиш унитар корхонаси бошлиғи Комил Бозоровларнинг ҳисоботлари эшитилди.

Бундан ташқари, халқ депутатлари туман Кенгаши котибияти мудири Бекзод Орзиқулов томонидан Кенгаш фаолиятига оид ҳисобот берилди.

Шунингдек, халқ депутатлари туман Кенгашининг Регламент ва депутатлик одоби комиссияси томонидан ҳисобот берилганини ҳам таъкидлаш лозим.

Сессияда кўрилган масалалар юзасидан тегишли қарорлар қабул қилинди.