Махсус имкониятлар
MADANIYAT SOHASIDAGI TAHLIL VA NATIJALAR
O‘zbekiston Respublikasi Madaniyat vazirligi tomonidan tashkil etilgan ishchi guruh Samarqand viloyatida bo‘lib, tizim tashkilotlari faoliyatini chuqur tahlil qildi. O‘rganish davomida viloyat madaniyat boshqarmasi va uning tizimidagi teatr, taʼlim muassasalari, davlat muzeylari, madaniyat markazlari, ko‘zi ojizlar kutubxonalari hamda boshqa ijodiy tashkilotlarida ijro nazorati, hujjatlar va kadrlar bilan ishlash, davlat tiliga rioya qilinishi, ajratilgan byudjet mablag‘laridan maqsadli foydalanish hamda byudjetdan tashqari mablag‘ ishlab topish kabi ko‘plab masalalarning natijadorligi ko‘zdan kechirildi.
Yakuniy xulosalardan so‘ng, Madaniyat vazirining birinchi o‘rinbosari B. Ahmedov boshchiligida yig‘ilish o‘tkazilib, vaziyat muhokama qilindi. O‘z vazifalariga loqaydlik bilan yondashib, masʼuliyatsizlik qilgan 10 nafar rahbar xodim egallab turgan lavozimlaridan ozod etildi. 17 nafar xodimga intizomiy jazo choralari — “hayfsan” berildi.
Yig‘ilishda bir qator tashkiliy masalalar ham ko‘rildi. O‘zbekiston davlat filarmoniyasi viloyat bo‘limi direktori vazifasiga O.Rustamov, boshqarma boshlig‘i o‘rinbosari lavozimiga X.Gadayev, boshqarmaning bosh mutaxassisi etib B. Ro‘ziyev, “O‘zbekkonsert” davlat muassasasi viloyat bo‘limi direktorligiga esa Q.Sobirxonov tayinlandi.
Taʼkidlash lozimki, Xurshid Gadayev shu kunga qadar Narpay tuman hokimligi madaniyat bo‘limi boshlig‘i vazifasida faoliyat yuritgan.
__________
МАДАНИЯТ СОҲАСИДАГИ ТАҲЛИЛ ВА НАТИЖАЛАР
Ўзбекистон Республикаси Маданият вазирлиги томонидан ташкил этилган ишчи гуруҳ Самарқанд вилоятида бўлиб, тизим ташкилотлари фаолиятини чуқур таҳлил қилди. Ўрганиш давомида вилоят маданият бошқармаси ва унинг тизимидаги театр, таълим муассасалари, давлат музейлари, маданият марказлари, кўзи ожизлар кутубхоналари ҳамда бошқа ижодий ташкилотларида ижро назорати, ҳужжатлар ва кадрлар билан ишлаш, давлат тилига риоя қилиниши, ажратилган бюджет маблағларидан мақсадли фойдаланиш ҳамда бюджетдан ташқари маблағ ишлаб топиш каби кўплаб масалаларнинг натижадорлиги кўздан кечирилди.
Якуний хулосалардан сўнг, Маданият вазирининг биринчи ўринбосари Б. Аҳмедов бошчилигида йиғилиш ўтказилиб, вазият муҳокама қилинди. Ўз вазифаларига лоқайдлик билан ёндашиб, масъулиятсизлик қилган 10 нафар раҳбар ходим эгаллаб турган лавозимларидан озод этилди. 17 нафар ходимга интизомий жазо чоралари — “ҳайфсан” берилди.
Йиғилишда бир қатор ташкилий масалалар ҳам кўрилди. Ўзбекистон давлат филармонияси вилоят бўлими директори вазифасига О.Рустамов, бошқарма бошлиғи ўринбосари лавозимига Х.Гадаев, бошқарманинг бош мутахассиси этиб Б. Рўзиев, “Ўзбекконцерт” давлат муассасаси вилоят бўлими директорлигига эса Қ.Собирхонов тайинланди.
Таъкидлаш лозимки, Хуршид Гадаев шу кунга қадар Нарпай туман ҳокимлиги маданият бўлими бошлиғи вазифасида фаолият юритган.
