Махсус имкониятлар
“Ишбилармон аёл” кўрик-танловининг вилоят босқичида туманимизда фаолият юритиб келаётган “Юлдуз савдо” хусусий корхонаси раҳбари, ”Оқтош кўзмунчоқлари” нодавлат-нотижорат мактабгача таълим муассасаси мудираси Шоира Турдибоевага фахрли ўрин насиб этди.
Танлов ғолибларини аниқлашда иштирокчи хотин-қизларнинг замонавий ишлаб чиқаришни йўлга қўйиш орқали янги иш ўрни яратгани, экспортга йўналтирилган ёки импорт ўрнини босадиган маҳсулот ишлаб чиқаргани, аҳолига хизмат кўрсатишни қай даражада йўлга қўйгани, ўз фаолиятида учраётган тўсиқ ва ғовларни қай даражада бартараф эта олаётганига эътибор қаратилди.
Кўрик-танлов якунида ҳакамлар ҳайъати томонидан ғолиблари OʻzLiDeP Самарқанд вилоят Кенгашининг дипломи, турли хил номинациялар ва эсдалик совғалари билан тақдирланди. Шунингдек, юқори ўрин эгалари танловнинг Республика босқичига йўлланмани қўлга киритишди.
