Жорий йилнинг 5 август куни Нарпай туманида тадбиркорларнинг муаммоларини бартараф қилиш, уларнинг ташаббусларини қўллаб-қувватлаш, тадбиркорлик субъектларини икки баробар ошириш мақсадида Оқтош шаҳрида фаолият кўрсатаётган тадбиркор ва ташаббускорлар билан туман ҳокими учрашуви ўтказилди.

Жорий йилнинг 6 август куни Нарпай туманининг энг чекка ҳудудларидан бири ҳисобланган "Сохибкор" қишлоғида тумандаги сектор раҳбарлари, вилоят Прокуратураси масъуллари, туман ташкилотлари раҳбарлари иштирокида фуқароларнинг сайёр қабули ўтказилди. Сайёр қабулда 40 га яқин мурожаатлар эшитилиб, ҳал этилиши юзасидан аниқ чора-тадбирлар асосида тегишли масъулларга муддатли кўрсатмалар берилди. 

Жорий йилнинг 5 август куни тумандаги "Турон" маҳалла фуқаролар йиғинида туман Маданият бўлими, Ёшлар иттифоқи, 13-27-сон Болалар мусиқа ва санъат мактаби ходимлари томонидан қишлоқ аҳолисига хушкайфият улашиш ва истиқлол шарофати ила ҳурлик бахшида этган ватан туйғусидан янада фахр ва ифтихор ҳиссини қалбига жо қилиш мақсадида "ЖОНАЖОН ЎЗБЕКИСТОНИМ, МАНГУ БЎЛ ОМОН!" шиори остида концерт дастури ўтказилди.

Ўзбекистонда Қурбон ҳайити 11 август куни нишонланади. Ўзбекистон Республикаси Президенти Шавкат Мирзиёев мамлакатда Қурбон ҳайитини нишонлаш тўғрисидаги ҳужжатга имзо қўйди. Унга мувофиқ, Ўзбекистон мусулмонлари идорасининг 2019 йилда Қурбон ҳайитининг биринчи куни 11 август, якшанба кунига тўғри келиши ҳақида қабул қилган қарори инобатга олинган.

Тумандаги Саловат  маҳалла фуқаролар йиғини ҳудудида жойлашган туман ҳокимлиги маданият бўлимига қарашли 4-сон маданият маркази томонидан 5 муҳим ташаббус доирасида "Жонажон Ўзбекистоним мангу бўл омон!" шиори остида концерт дастури бўлиб ўтди. Тадбирда 300 дан ортиқ ёшлар ва нуроний отахону онахонлар ҳам иштирок этишди.