Давлат хавфсизлик хизматининг Самарқанд вилояти бўйича бошқармаси масъуллари Нарпай туманида ёшлар билан учрашув ўтказди. Унда 18 ёшдан 30 ёшгача бўлган 120 нафар уюшмаган ёшлар иштирок этдилар.
Учрашувда ҳар бир йигит-қизнинг муаммолари алоҳида эшитилди. Ёшлар томонидан қилинган мурожаатларнинг аксарияти бандлик, тадбиркорлик фаолияти учун кредит, ер олиш, кадастр масалаларидан иборат бўлди. Шу каби айрим ёш оилалар уй-жой сўраб мурожаат этишди.
Ўрганиш давомида мурожаатчи ва у кўтарган муаммолар мазмуни рўйхатга олиб борилди. Бу ўз навбатида ҳеч бир мурожаатнинг эътибордан четда қолмаётганидан далолатдир.
Мутасадди ташкилот вакилларига масалаларни ижобий ҳал этиш юзасидан муддатлар белгиланди.